Það var ljósmyndafyrirtækið Coche Spias á Spáni sem tók myndirnar en ekki er vitað hvar bíllinn var þegar myndin var tekin af honum. Þær sýna forútgáfu S-línunnar með aðeins lítilli felurönd fyrir ofan ljósin. Grillið er að vísu meira upprétt og áberandi og ljósin minni en áður á þessu flaggskipi Mercedes. Afturljósin eru meira breytt sem hæfa meira mikilli breidd bílsins.

Nýtt upplýsingakerfi er með upplýsingaskjá á stýrishúsi og stórum skjá í miðjustokki.

Að innan er bíllinn mikið breyttur í tæknilegum skilningi. Stýrishjólið er endurhannað með mjórri pílárum til að hefta síður útsýni á stóran upplýsingaskjá, sem er festur beint á stýrishúsið. Til hægri er stór upplýsingaskjár í miðjustokki sem kemur í staðin fyrir núverandi MBUX kerfi. Myndirnar eru af bíl með afþreyingarkefi í aftursætum sem sést vel á einni myndinni. Bíllinn verður frumsýndur seint á þessu ári og er væntanlegur í sýningarsali snemma árs 2021 en líklega ekki hérlendis fyrr en næsta sumar, ef einhver mun kaupa slíkan bíl hérlendis.

Afturljósin ná innar og stór krómlisti undirstrikar breidd bílsins.