Innlent

Mennirnir hafi læðst meðfram veggjum „með hetturnar uppi“

Tveir eru ákærðir í Shooters-málinu svonefnda, sem fram fer í Héraðsdómi Reykjavíkur í dag.

Frá héraðsdómi í morgun. Tveir eru ákærðir vegna málsins. Fréttablaðið/Anton Brink

Starfsmaður á nærliggjandi skemmtistað við Shooters segir mennina sex, sem réðust á tvo dyraverði á staðnum, hafa læðst meðfram veggjum nálægra húsa áður en þeir réðust til atlögu. Aðalmeðferð í Shooters-málinu svonefnda hófst í morgun, þar sem þeir Artur Pawel Wisocki og Dawidc Kornacki eru ákærðir. 

Aðalmeðferð hófst í morgun. Hófst hún á því að sakborningarnir tveir gáfu skýrslu um umrætt kvöld í ágúst á síðasta ári. Fréttablaðið/Sigtryggur Ari

Starfsmaðurinn sagðist fyrir dómi hafa verið fenginn til þess að koma á Shooters fyrr um kvöldið til þess að aðstoða dyraverðina við að vísa sexmenningunum á brott. Þeir hafi verið með dómaskap og læti, en eftir að þeir höfðu sig á brott kvaðst hann hayfa talið að málinu væri lokið og sneri aftur til starfa á öðrum skemmtistað. 

Stuttu síðar segist hann hafa séð hópinn labba eftir veggjum „uppi með hetturnar“ og ráðast á dyraverðina á Shooters. „Ég sé þetta gerast og sé að þeir eru frekar margir og ég hleyp niður á Austur til að sækja fleiri menn til að aðstoða,“ sagði hann og bætti við að hann hafi ekki hafa treyst sér einn gegn hópnum en á þeim tíma hafi mennirnir verið að reyna að þvinga sér leið inn á skemmtistaðinn.

Sjá einnig: Baðst undan á­horfi: „Heimsku­legasta sem ég hef gert“

Sagðist hann hafa séð hvernig atburðarrásinni var að ljúka en lýsti því hvernig hann sá dyravörðinn, sem bar vitni í morgun, verjast höggum mannanna. „Þá er einn strákur sem er að vinna þarna með eitthverja þrjá þarna og þeir eru að reyna að ná honum, að reyna að kýla hann og þá komum við.“

Í kjölfarið höfðu mennirnir sig svo á brott og vitnið sagðist hafa farið hinum megin við húsið þar sem hann sá dyravörðinn, sem lamaðist fyrir neðan mitti eftir árásina, liggja með fæturnar á tröppum skemmtistaðarins. „Hann liggur á maganum og getur ekki hreyft sig.“ Sagði hann manninn hafa ítrekað beðið þá um að færa fæturnar á sér úr stiganum, jafnvel eftir að þeir voru búnir að því. „Þá er hann enn að öskra á okkur að færa lappirnar á sér því hann fann greinilega ekki fyrir því.“

Sjá einnig: Fylgdist með manni í Armani-bol elta dyra­vörðinn uppi

Var í uppnámi og hræddur á bráðamóttöku

Þá bar einnig vitni vakthafandi læknir sem var á bráðamóttökunni umrætt kvöld. Sagði hann dyravörðinn hafa verið vakandi og skýran er hann kom á bráðamóttöku Landspítalans í ágúst í fyrra en kvartað undan verkjum. Læknirinn sagði manninn hafa rætt við þá og verið í miklu uppnámi og hræddur. Gat hann hvorki hreyft hendur né fætur og var með áverka víða, t.d. á höfði. 

Gerð var taugaskoðun á honum og hreyfði hann hvorki útlimi né svaraði sársauka. Var hann með slæmt brot í fimmta hálshryggjarlið, sem er fyrir neðan miðjan háls. 

Athugasemdir

Auglýsing
Auglýsing

Tengdar fréttir

Shooters-málið

Baðst undan á­horfi: „Heimsku­legasta sem ég hef gert“

Shooters-málið

Neitar að árásin hafi verið með yfirlögðu ráði

Shooters-málið

Á erfitt með svefn og árásin áfall

Auglýsing

Nýjast

„Mér fannst ég gríðar­lega mis­heppnuð“

Fimmtíu fastir um borð í logandi farþegaflugvél

Þre­menningum sleppt úr haldi að lokinni skýrslu­töku

Veita frítt í strætó á næsta „gráa degi“

Mætti með „heima­til­búið“ svif­ryk í pontu

Spyr ráðherra um brottvísun barna

Auglýsing