Samfylkingin mælist með sex prósentustiga forskot á Sjálfstæðisflokkinn í Reykjavík, samkvæmt nýrri skoðanakönnun í Viðskiptablaðinu. Könnunin var gerð af Gallup daganna 2. til 14. maí. Meirihlutinn í borginni héldi velli, ef þessi yrði niðurstaðan í sveitarstjórnakosningunum 26. maí.

Flokkarnir sem nú sitja við stjórnvölinn fengju nauman meirihluta, eða 13 borgarfulltrúa. Þar af fengi Samfylkingin níu. Sjálfstæðisflokkurinn fengi sjö borgarfulltrúa og Píratar þrjá.

Fram kemur að í síðustu könnun Gallup fyrir Viðskiptablaðið hafi tveir stærstu flokkarnir verið nánast jafnir að fylgi og með jafn marga borgarfulltrúa.