Erlend kona var í lok október handtekin í Flugstöð Leifs Eiríkssonar eftir að tollgæsla stöðvaði hana vegna gruns um fíkniefnasmygl.

Greint er frá því í tilkynningu Lögreglunnar á Suðurnesjum að konan hafi verið færð á lögreglustöð þar sem hún skilaði af sér um það bil þrjátíu pakkningum að kókaíni. Alls var um 400 grömm að ræða.

Konan var úrskurðuð í gæsluvarðhald meðan rannsókn málsins fór fram. Rannsóknin er sögð á lokastigum.