Ekki var farið fram á gæsluvarðhald yfir manninum sem grunaður er um stunguárás í Skeifunni í nótt. Karl Steinar Valsson, yfirlögregluþjónn á höfuðborgarsvæðinu, segir í samtali við Fréttablaðið að lagalegar forsendur séu ekki fyrir hendi til að fara fram á gæsluvarðhald yfir manninum þrátt fyrir alvarleika árásarinnar. Hann var því látinn laus að lokinni skýrslutöku. Karl Steinar vildi ekki tjá sig um það hvort játning lægi fyrir í málinu.

Sjá einnig: Ekki í lífs­hættu eftir hnífs­tungu­á­rás í nótt

Lögreglu barst tilkynning klukkan fimm í nótt um árásina. Gerandinn er sagður hafa stungið manninn ítrekað í neðri hluta líkamans svo hann hlaut djúpa skurði. Maðurinn fluttur á slysadeild, hann er ekki talinn í lífshættu.