Fréttir

Margrét veittist að Semu: Hætt að drekka

Margrét Frið­riks­dóttir veittist að Semu Erlu Serdar á veitinga­stað um helgina. Hún segir í yfir­lýsingu á Stjórn­mála­spjallinu á Face­book að að hún sjái eftir upp­á­komunni og að hún hafi á­kveðið að hætta að drekka í kjöl­farið.

Margrét sér eftir að hafa veist að Semu Erlu um helgina og segist í yfirlýsingu vera hætt að drekka. Fréttablaðið/Samsett

Margrét Friðriksdóttir og Sema Erla Serdar hafa eldað grátt silfur síðustu misseri enda á öndverðum meiði í stjórnmálum og hugmyndafræði. Margrét er kristileg hægrimanneskja sem varar eindregið við fjölmenningu á meðan Sema Erla hefur verið áberandi í baráttu fyrir réttindum flóttafólks og hælisleitenda.

Sjá einnig: Magga Frikka „féll“ á persónuleikaprófi DV: Er Sema Erla

Margrét hefur sent frá sér yfirlýsingu á Facebook-hópnum Stjórnmálaspjallið þar sem hún upplýsir að upp úr hafi soðið á milli þeirra um helgina þegar hún veittist að Semu með ljótum orðum.

Í yfirlýsingunni ávarpar hún 9.396 meðlimi hópsins og segist hafa ákveðið að stíga fram „og segja frá leiðinlegu atviki“ sem átti sér stað um helgina. Hún rekur síðan í nokkkuð löngu máli að hún hafi komist á því á barnum Benzin á Grensásvegi að Sema Erla standi fyrir því að hún hafi ekki verið velkomin á barinn Ölver í Glæsibæ undanfarin þrjú ár.

„Ég varð mjög hissa og á sama tíma leið, því mér finnst svona aðför vera fasísk í eðli sínu, þ.e að leggja fólk í einelti vegna þess að það er ekki á sömu skoðunum. Þá sagði hann mér að Sema væri að dreifa alls kyns lygasögum um mig og mér þykir það mjög miður, aldrei myndi mér detta til hugar að gera slíkt við fólk sem ekki er sammála mér.“

Skömmu síðar er henni sagt að yfirgefa staðinn þar sem Sema er á leiðinni. Þegar þarna er komið við sögu segist Margrét hafa orðið mjög leið og fannst hún beitt miklu óréttlæti.

Sjá einnig: Kannski of hægri sinnuð fyrir Ingu Sæland

Þegar hún hafi verið að búa sig til heimferðar „birtist Sema þarna með sínu liði og í reiði minni og ölæði þá ýtti ég við henni þó ekki fast á leiðinni inn og kallaði hana illa innrætta mannseskju sem væri að haga sér eins og norn ég hefði ekkert gert henni, þá dró vinur minn mig til baka og við gengum svo heim.“

Hætt að drekka

„Daginn eftir þá leið mér mjög illa yfir þessu atviki, og ákvað að senda Semu afsökunarbeiðni sem ég læt fylgja með hér, en þrátt fyrir þessa framkomu hennar átti ég engan rétt á því að ýta við henni og kalla hana nöfnum og hef þess vegna beðið hana afsökunar.

Margrét sendi Semu þessa afsökunarbeiðni daginn eftir að hún skytti skapi sínu á henni undir áhrifum.

Margrét sér ástæðu til þess að taka fram að Sema hafi ekki svarað afsökunarbeiðni hennar enhún hafi heldur ekki búist sérstakelga við því. „Mikilvægast finnst mér að koma hreint fram og vera heiðarlegur við Guð og sjálfan sig,“ segir Margrét og spyr að hvort maður eigi ekki að elska óvini sína.

„Ég vil svo láta koma fram að ég hætti að drekka í nokkurn tíma og leið mjög vel á meðan, hef nú ákveðið að snúa aftur til þess góða lífernis þar sem öl er böl,“ skrifar Margrét og segist ætla að sér að gera betur vegna þess að hún viti að hún geti það „og allir mínir nánustu vinir segja það ekki fari mér að drekka og ég sé langflottust eins og ég er og edrú.“

Nú ætli hún að halda lífi sínu áfram „brosandi og glöð“ allsgáð og skemmtileg. 

Athugasemdir

Auglýsing
Auglýsing

Tengdar fréttir

Innlent

Jón Gnarr og Frosti deila um opin­bera smánun

Innlent

Hvetja foreldra til að sækja börn í frístund

Innlent

Mikil­vægt að ganga vel frá lausum munum

Auglýsing

Nýjast

May sögð ætla að fresta Brexit-at­kvæða­greiðslu

Fjöldamorðingi dæmdur fyrir 56 morð til viðbótar

Jemt­land í á­tján ára fangelsi fyrir morðið á eigin­konu sinni

Börn birta slúður á lokuðum Insta­gram-reikningum

Bára búin að afhenda Alþingi upptökurnar

Ellert Schram og Albert Guð­munds taka sæti á þingi

Auglýsing