„Það er búið að fella málið niður,“ segir Ingi Tryggvason, formaður yfirkjörstjórnar á Norðvesturlandi.
Ekkert verður af því að fimmmenningarnir í yfirkjörstjórn sem taldir voru hafa brotið kosningalög með því að ekki var gætt þess að kjörgögn væru insigluð milli talninga í Norðvesturkjrödæmi verði sóttir til saka. Ingi og aðrir í yfirkjörstjórninni hafa fengið bréf um þetta frá lögreglustjóranum á Vesturlandi.
„Það eru engin sérstök viðbrögð af minni hálfu, ég átti alltaf von á þessu,“ segir Ingi.
Eftir því sem Fréttablaðið kemst næst urðu breytingar á kosningalögum sem tóku gildi í byrjun þessa árs og finnst ekki heimild til að refsa þeim fyrir brot sem lögreglan á Vesturlandi taldi hafa yfirkjörstjórn hafa brotið.
Lögreglan á Vesturlandi hafði áður gert fimmmenningunum að greiða sektarboð og fékk Ingi Tryggvason, formaður yfirkjörstjórnar, hæstu sektina. Til stóð að sækja fimmmenningana til saka eftir að allir í yfirkjörstjórn neituðu að greiða sektina. Lögreglurannsóknin hófst með því að Karl Gauti Hjaltason kærði framkvæmd kosninganna.
