Viðamikil lokun verður á Hafnarfjarðarvegi á kvöldin og fram til morguns næstu fjóra daga.
Í tilkynningu frá lögreglunni á höfuðborgarsvæðinu kemur fram að klukkan átta í kvöld hefst vinna við útskipti á gatnalýsingu í Kópavogsgjá á Hafnarfjarðarvegi. Akreininni í átt að Reykjavík verði því lokað frá klukkan átta að kvöldi til hálf sjö að morgni daginn eftir fram til föstudagsins 13. janúar næstkomandi.
Hjáleið má sjá á meðfylgjandi mynd merkt með grænum lit. Lokunin er merkt með rauðum lit.
Fréttablaðið/Lögreglan á höfuðborgarsvæðinu
