Erlent

Loka fyrir fólksflutninga frá Gaza til Ísrael

Stjórn­völd í Ísrael hafa lokað fyrir einu leið fólks­flutninga um landa­mæri Ísraels og Gaza. Leiðin verður einungis opin fyrir neyðar­til­felli.

Fjöldi Palestínu manna særðust í mótmælunum og tveir létu lífið þegar Ísraelsher svaraði mótmælendum með byssuskotum. Fréttablaðið/AFP

Stjórnvöld í Ísrael hafa lokað fyrir einu leið fólksflutninga um landamæri Ísraels og Gaza. Í um áratug hefur Ísrael haft stjórn á umferð um landamæri Gaza. Undanþágur verða þó veittar í neyðartilfellum.  Í síðustu viku opnuðu yfirvöld einu leiðina fyrir birgðaflutninga til Gaza en þá hafði leiðin verið lokuð í mánuð. 

Lokunin gæti haft áhrif á friðarviðræður Ísraels og Hamas. Samkvæmt Sameinuðu þjóðunum og Egyptum sem miðla málum í viðræðunum, miðar þeim vel áfram og eru taldar töluverðar líkur á að samningar náist um vopnahlé á næstunni. 

Undanfarna mánuði hafa mótmæli verið tíð við landamæri Gaza. Yfir 170 Palestínumenn hafa verið skotnir til bana af ísraelskum hermönnum við landamærin síðan í mars vegna mótmæla.  

Varnarmálaráðherra Ísraels segir lokun landamæranna vera vegna ofbeldisatvika við landamærin á föstudag. Ísraelsherinn segir að nokkur fjöldi Palestínumanna hafi komist inn á ísraelskt yfirráðasvæði og þeir kastað eldsprengjum yfir landamærin. Ekki er vitað til þess að nokkur Ísraelsmaður hafi særst í átökunum. Fjöldi Palestínumanna særðust í mótmælunum og tveir létu lífið þegar Ísraelsher svaraði mótmælendum með byssuskotum.

Sjá einnig: Upp­blásnir smokkar notaðir gegn Ísraels­mönnum

Athugasemdir

Auglýsing
Auglýsing

Tengdar fréttir

Erlent

Tveir mót­mælendur skotnir til bana við landa­mæri Gaza

Erlent

Angela Merkel gagn­rýnir ein­angrunar­hyggju Banda­ríkjanna

Erlent

Fara fram á þungan dóm yfir fyrr­verandi kosninga­stjóra Trump

Auglýsing

Nýjast

Heiðraði minningu ömmu sinnar í Vancou­ver á hjartnæman hátt

Á­rásar­maðurinn myrti fimm manns á vinnu­staðnum

Fór illa út úr hruninu en vann 45 milljónir í vikunni

Reyndi að borða flug­miðann sinn

Fínt vetrar­veður fram eftir degi en hvessir í kvöld

Leiðar­vísir að Kata­lóna­réttar­höldunum

Auglýsing