Lögreglan á höfuðborgarsvæðinu þarf að ná tali af mönnunum á meðfylgjandi myndum vegna máls sem hún hefur til rannsóknar og eru þeir beðnir um að hafa samband við lögreglustöðina á Hverfisgötu 113-115 í Reykjavík í síma 444 1000. Þetta kemur fram í tilkynningu frá lögreglunni.

Ef einhverjir þekkja til mannanna, eða vita hvar þá er að finna, eru hinir sömu einnig beðnir um að hringja í lögregluna, en upplýsingum má jafnframt koma á framfæri í tölvupósti á netfangið hallur.hallsson@lrh.is eða í einkaskilaboðum á fésbókarsíðu Lögreglunnar á höfuðborgarsvæðinu.

Uppfært klukkan 15.15. Mennirnir eru komnir í leitirnar. Lögreglan þakkar fyrir veitta aðstoð.