Lögreglan segir að rannsókn þeirra á máli mannanna sem eru grunaðir um að hafa lagt á ráð um hryðjuverk sé í fullum gangi. Karl Steinar Valsson hjá alþjóðadeild ríkislögreglustjóra segir í viðtali við Vísi að rannsókn málsins sé í fullum gangi og að lítið sé hægt að upplýsa um gagn hennar. Þá vísar hann einnig til þess hve skamman tíma lögregla hefur mennina í varðhaldi en annar þeirra var aðeins úrskurðaður í vikulangt gæsluvarðhald. Lögreglan óskaði eftir tveim vikum en fékk það ekki fyrir báða mennina.
Í hádegisfréttum RÚV kom fram að lögregla sé enn sannfærð um að hryðjuverkaógnin, sem þeim tókst að afstýra, hafi verið alvarleg. Þar kom einnig fram að lögregla hafi farið í húsleitir vegna málsins og hefði síðustu daga yfirheyrt nokkurn fjölda vegna málsins.
Einn mannanna sem grunaður er um að hafa hryðjuverkaárás á Íslandi í skipulagningu og er grunaður um umfangsmikla vopnaframleiðslu slasaðist í aðgerðum lögreglunnar þegar hann var 12 ára. Það kom fram á vef Vísis í dag.
Fram kom í fréttum í gær að maðurinn sem um ræðir hafi losnað úr gæsluvarðhaldi stuttu áður en hann var svo handtekinn að nýju.
