Lögreglumál

Lögregla réð dönskum börnum frá Íslandsför

Hótanir íslenskra unglinga í garð danskra enduðu með því að Dönunum var ráðlagt að hætta við ferð til Íslands í apríl. Skólastjóri segir að búið sé að vinna með þeim piltum sem báru ábyrgð, en samskiptin hafi farið vel yfir strikið.

Nemendahópur frá Ingunnarskóla fór til Danmörku í nóvember. Nemendurnir geta ekki endurgoldið Dönunum móttökurnar. Fréttablaðið/Stefán

Danska lögreglan ráðlagði foreldrum grunnskólabarna í bænum Skive að senda þau ekki í ferð sem hafði verið fyrirhuguð til Íslands í apríl. Ástæðan er sú að börnin höfðu fengið skilaboð með hótunum frá íslenskum nemendum á Facebook.

Hópur nemenda í 9. bekk í Ingunnarskóla hefur verið í samskiptum við danskan skóla um verkefni sem lýtur að Heimsmarkmiðum Sameinuðu þjóðanna, varðandi sjálfbærni, samskipti og annað.

„Nemendahópur frá okkur fór út til Danmerkur í nóvember,“ segir Guðlaug Erla Gunnarsdóttir, skólastjóri Ingunnarskóla. Þar voru bæði íslensku nemendurnir og hinir dönsku fulltrúar ungu kynslóðarinnar á ráðstefnu. Guðlaug tekur fram að íslenski hópurinn hafi staðið sig vel í verkefninu. „Svo var hugmyndin að danskur hópur kæmi til Íslands í apríl. Það er bekkurinn sem íslenski hópurinn átti samskipti við.“

Eftir ferðina stofnuðu krakkarnir Facebook-síðu sem þeir notuðu til að eiga samskipti. „Það er einhverjum hleypt þar inn sem eru ekki í verkefninu. Þeir krakkar fara yfir strikið og eins einhverjir danskir krakkar. Samskiptin urðu leiðinleg og fóru það vel yfir strikið að danska lögreglan mælir ekki með því að hópurinn fari til Íslands,“ segir Guðlaug.

Hún segir að búið sé að vinna með þá pilta sem áttu í þessum samskiptum í samstarfi við foreldra þeirra. „Við treystum okkar hópi til þess að taka vel á móti Dönunum en það er litið það alvarlega á þetta að þeim er ekki treyst til að koma.“

Guðlaug segir að áfram verði haldið með verkefnið sem endi með sýningu á Barnamenningarhátíð í samstarfi við Myndlistarskólann í Reykjavík.

Athugasemdir

Auglýsing
Auglýsing

Tengdar fréttir

Lögreglumál

Sérsveitin send á byssumenn í Hvalfirði

Lögreglumál

Aldrei fleiri mál tengd heimilisofbeldi

Lögreglumál

Þrjú kyn­ferðis­brot á Þjóð­há­tíð í Eyjum

Auglýsing

Nýjast

Jáeindaskanni brátt tekinn í notkun á LSH

Töluverður verðmunur á vinsælum skólatöskum barna

Djakarta sekkur í hafið á methraða

Áhyggjur af deilunni við Sádi-Arabíu

Tókst að reka grind­hvalina úr friðinum

Henti sér út í til að hjálpa hvalnum

Auglýsing