Innlent

Listamenn segja Seðlabankann vanvirða listina með púrítanisma

Banda­lag ís­lenskra lista­manna lýsir furðu á undar­lega tíma­s­kökkum púrítan­isma að baki þeirri á­kvörðun að koma verkum Gunn­laugs Blön­dal fyrir í geymslum bankans.

Bandalag íslenskra listamanna fer fram á að Seðlabankinn komi verkum í eigu sinni í umsjá Listasafns Íslands ef hann getur ekki sinnt menningarhlutverki sínu með sóma. Fréttablaðið/Samsett

Bandalag íslenskra listamanna lýsir yfir furðu sinni á þeirri ákvörðun Seðlabanka Íslands að fjarlægja verk Gunnlaugs Blöndal úr almenningsrými og koma því fyrir í geymslum bankans.              

Sjá einnig: Nektarlist í Seðlabanka komið fyrir í geymslu

„Þessi ákvörðun vekur margar spurningar, bæði hvað varðar safneign, umgengni og vörslu listaverka stofnunarinnar og ekki síður þá undarlegu tímaskekkju puritanisma að ritskoða list með þessum hætti,“ segir í erindi frá bandalaginu sem forseti þess, Erling Jóhannesson, skrifar undir.

Erling lætur þess einnig getið að „skilningur okkar á hugmyndaheimi hvers tíma“ byggi að stórum hluta á verkum listamanna, skáldskap, tónlist og myndlist og að frá upphafi menningarsögunnar hafi „nakið og berskjaldað form mannslíkamans“ verið meðal helstu viðfangsefna listamanna sem hafa með nöktum líkömum tjáð trúarlega, pólitíska eða tilvistarlega afstöðu.

Sjá einnig: Nekt í banka

„Um  þetta  vitna  mörg stærstu og mikilvægustu verk  listasögunnar. Þetta verk Gunnlaugs Blöndal stendur sterkt í þessari hefð listarinnar, nærgöngul en um leið ljóðræn, djúp og falleg mynd. Mikið er það undarlegt  að vera stödd á þessum stað í umræðunni í upphafi tuttugustu og fyrstu aldarinnar. Að vanvirða svo þetta fallega verk með tepruskap og puritanískum viðbrögðum.“

Listin gegn valdinu

Í framhaldinu er bent á að listin hafi löngum tekist á við valdið um hvað sé viðeigandi og hvað ekki og að oftast hafi þessu átök speglast í baráttu listarinnar við kirkjuna og trúarlegar hugmyndir, „ en kannski segir  það eitthvað um samtímann að þessi tiltekna ritskoðun skuli upp sprottin í Seðlabanka Íslands, sem afleiðing af  nafnlausum athugasemdum.“

Sjá einnig: Klám

Erling segir einnig að spurningar hljóti að vakna um hvernig standi á því að í geymslum Seðlabankans skuli safnast myndlist sem er engum aðgengileg án faglegrar umsjónar. Telji Seðlabankinn sig hafa menningarlegu hlutverki að gegna verði það hlutverk að byggja á faglegum grunni. „ Ef bankinn er að safna þjóðargersemum í hirslur   sínar ætti það að gerast með formlegri stofnun listasafns, ráðningu fagfólks, skráningu og aðgengi almennings.“

Sjá einnig: Nektarlist veldur usla innan Seðlabankans

Geti bankinn ekki sinnt þeirri menningarlegu skyldu sinni hljóti Bandalag íslenskra listamanna að krefjast þess að hann komi listaverkum sem hann á í vörslu og umsjá Listasafns Íslands.    

„Að því sögðu fer Bandalag íslenskra listamanna fram á upplýsingar um fjölda verka í safni bankans, hverjir eru höfundar þeirra verka og hvenær þau komu í eigu bankans?“

Athugasemdir

Auglýsing
Auglýsing

Tengdar fréttir

Samfélag

Nektarlist veldur usla innan Seðlabankans

Menning

Nektarlist í Seðlabanka komið fyrir í geymslu

Björgun

Þyrlan sótti göngu­menn upp á Tungna­fells­jökul

Auglýsing

Nýjast

Maduro slítur stjórn­mála­sam­bandi við Kólumbíu

Milljón dollara trygging fyrir R. Kel­ly

Her­togaynjan hótar lög­sóknum

Tólf ára blaða­kona lét lög­reglu­mann heyra það

Fjallað um fyrir­hugaðar hval­veiðar í er­lendum miðlum

Plok­kver­tíðin að hefjast hjá Atla

Auglýsing