Innlent

Lilja sögð hafa slegið Sig­mund og Mið­flokkinn niður

Agli Helga­­syni og Andrési Jóns­­syni ber saman um að Lilja Al­freðs­dóttir hafi veitt Sig­­mundi Davíð Gunn­laugs­­syni rot­högg í Kast­­ljós­svið­talinu í gær­­kvöld. Katrín Júlíus­dóttir segir að þeir sem töluðu illa um Lilju á Klaustri ættu að hlusta vand­lega á hana.

Andrés og Egill segja Lilju Alfreðsdóttur hafa slegið Sigmund Davíð kaldan í Kastljósi í gær og Katrín segir að í sporum LIlju myndi hún tæpast treysta sér til þess að starfa með Miðflokksmönnum á þingi. Fréttablaðið/Samsett

Samfélagsrýninum og sjónvarpsmanninum Agli Helgasyni og almannatenglinum Andrési Jónssyni ber saman um að Lilja Alfreðsdóttir menntamálaráðherra hafi veitt Sigmundi Davíð Gunnlaugssyni rothögg í Kastljóssviðtalinu í gærkvöld. Þá segir Katrín Júlíusdóttir, framkvæmdastjóri Samtaka fjármálafyrirtækja og fyrrverandi ráðherra, að viðtalið við Lilju hafi verið „ótrúlega sterkt“ og þeir sem létu ljót orð falla um hana á Klaustur bar ættu að hlusta á hana.

Sjá einnig: Lilja ausin lofi fyrir frammistöðuna í Kastljósi

Egill segir í pistli á Eyjunni að Sigmundi Davíð hafi verið að takast að „skapa sér vígstöðu“ í gær og að litið hafi út fyrir að hann hefði möguleika á að sleppa undan eftirmálum Klaustursamsætisins. „En Lilja Alfreðsdóttir greiddi þessu stórt högg í viðtali í Kastljósi í kvöld.“

Andrés og Katrín ræddu málið í Bítinu á Bylgjunni í morgun og þar greip Andrés til sama líkingamáls og Egill og talaði um að Lilja hefði í Kastljósinu veitt Sigmundi Davíð „ákveðið rothögg.“

Andrés sagði þungann í viðbrögðum Lilju ekki síst fólginn í því að hún er ekki þekkt fyrir stóryrði og þegar hún talar með þeim hætti sem hún gerði í gær megi segja að hún hafi rammað málið inn.

Sjá einnig: Ummælin „algjört ofbeldi“ og ófyrirgefanleg

Katrín á langa reynslu að baki bæði sem þingmaður og ráðherra og var spurð hvort hún myndi treysta sér til þess að starfa á þingi með Miðflokksmönnunum orðljótu ef hún væri í sporum Lilju.

„Nei, ég ætti mjög erfitt með það,“ svaraði Katrín og bætti við að hún hefði fengið „sting í hjartað“ þegar hún heyrði það sem þingmenn Miðflokksins sögðu um Lilju yfir glösum á Klaustur bar. Þetta hafi verið „mjög ljótt“ en Lilja hafi komið „sterk og einlæg“ fram í Kastljósinu og að þeir sem létu þessi orð falla um hana ættu að hlusta sérstaklega á hana.

Athugasemdir

Auglýsing
Auglýsing

Tengdar fréttir

Lífið

Lilja ausin lofi fyrir frammi­stöðuna í Kast­ljósi

Klaustursupptökurnar

Ofbeldismenn þurfa að axla ábyrgð

Klaustursupptökurnar

Um­mælin „al­gjört of­beldi“ og ó­fyrir­gefan­leg

Auglýsing

Nýjast

Gul stormviðvörun á morgun

Lægri fast­eigna­skattur og hærri syst­kina­af­sláttur

Vegagerðin vill Þ-H þrátt fyrir nýja greiningu

Varð fyrir 500 kílóa stálbita

„Hefði orðið upplausn í Bretlandi“

Stóð af sér tillögu um vantraust með góðum meirihluta

Auglýsing