Í gær um klukkan 13 var lögreglunni á Suðurlandi tilkynnt um líkfund á bökkum Ölfusár við Arnarbæli í Ölfusi. Fram kemur í tilkynningu frá Lögreglunni á Suðurlandi að göngumaður hafi gengið fram á líkið. Það er talið vera af Ríkharði Péturssyni. Hans hefur verið saknað frá því 23. janúar í fyrra þegar hann fór af heimili sínu. Ríkharður var fæddur þann 3. apríl árið 1969.

Rannsóknardeild lögreglunnar á Suðurlandi ásamt tæknideild lögreglu höfuðborgarsvæðisins og kennslanefnd ríkislögreglustjóra vinna að rannsókn málsins.