Tveir menn voru handteknir í Hafnafirði grunaðir um líkamsárás. Þetta kemur fram í dagbók lögreglunnar sem hafði í nægu að snúast í gærkvöldi. Ekki er vitað um alvarleika áverka en tveir menn voru vistaðir í fangageymslu lögreglu fyrir rannsókn málsins.

Þá var ofurölvi kona handtekinn í miðbænum. Konan gat ekki staðið sökum ölvunar en hún neitaði aðspurð af lögreglu að gefa upp kennitölu og hótaði lögreglumönnum við afskipti þeirra. Konan var vistuð sökum ástands í fangageymslu lögreglu. Konan var einnig vistuð síðustu nótt fyrir sama ástand og verður hún kærð fyrir brot á lögreglusamþykkt.

Annar ofurölvi maður var þá handtekinn í hverfi 101 rétt eftir klukkan 04:00 í morgun. Um það bil þremur klukkustundum áður hafði verið tilkynnt um manninn sem hafði þá dottið og rekið höfuðið í götuna. Þá hafði sjúkrabifreið komið og ekki talin ástæða til að flytja manninn en hann sagður mjög ölvaður. Maðurinn gat ekki sagt lögreglu hvar dvalarstaður hans væri og var því sökum ástands vistaður í fangageymslu lögreglu.

Rétt eftir miðnætti var Bifreið stöðvuð í Grafarvogi. Ökumaðurinn var grunaður um akstur bifreiðar undir áhrifum áfengis og fíkniefna.