Kona lést í kjöl­far sprengingar í kynja­partý [e. gender re­veal par­ty] í Iowa í Banda­ríkjunum síðasta laugar­dag. Samkvæmt tilkynningu frá lögregluyfirvöldum í Marion-sýslu lést konan eftir að brot flaug úr sprengjunni sem af­hjúpa átti kyn ófædds barnsins í veislunni.

At­vikið átti sér stað í Kn­ox­vvil­le í Iowa og var konan úr­skurðuð látin á vett­vangi, sam­kvæmt upp­lýsingum frá lög­reglunni.

Svo­kölluð kynja­partý verða al­gengari með hverju árinu sem líður en þar af­hjúpar par sem von á barni kyn þess með því að sprengja blöðru, konfetti eða er með köku sem er annað hvort blá eða bleik innan í. Yfir­leitt býður parið sínum nánustu í slíka veislu þegar þau hafa fengið stað­fest kynið hjá lækni. Á Ís­landi stendur pörum það til boða þegar með­ganga er um það bil hálfnuð, eða í 20 vikna skoðun fóstursins.

Þó svo al­var­leg ó­höpp séu ekki tíð í slíkum veislum þá hefur áður verið greint frá ó­höppum. Sem dæmi kviknaði árið 2017 villi­eldur í Arizona í Banda­ríkjunum í slíkri veislu, og í Ástralíu sprakk skyndi­lega bíll sem nota átti til að af­hjúpa kynið með bláum reykjar­mekki.

Greint er frá á CNN ogNBC.