WOW air hóf í morgun fyrsta áætlunarflug félagsins til Nýju Delí í London. Áætlað er að fljúga þangað þrisvar í viku. Um er að ræða lengsta áætlunarflug íslenskrar flugsögu, en það er í dag tæpar níu klukkustundir með miklu meðvind. 

„Við höfum fundið fyrir miklum áhuga á ferðum á góðum kjörum til og frá Indlands enda land sem býr yfir ríkri menningu og sögu. Með því að tengja Indland við leiðakerfi WOW air til Norður Ameríku þá mun staða Íslands sem tengistöð styrkjast enn frekar,“ segir Skúli Mogensen forstjóri og eigandi WOW air í tilkynningu frá félaginu.

Fram kemur í tilkynningu að Delí sé önnur stærsta borg Indlands á eftir Mumbai, þar má finna höfuðborg Indlands, Nýju Delí. Í nágrenni við borgina megi finna ýmsa þekkta ferðamannastaði á borð við Taj Mahal.