Karlmaður ógnaði starfsfólki Apótekarans með dúkahníf um klukkan hálfeitt í dag og hafði á brott með sér lyf.

Engan sakaði í apótekinu, en starfsfólkinu var eðlilega mjög brugðið. Þegar lögreglan mætti á vettvang við Vallarkór í Kópavogi þar sem apótekið er til húsa, var maðurinn á bak og burt.

Ræninginn er enn ófundinn en hann var klæddur í svarta 66° Norður úlpu, með svarta húfu og buff fyrir andlitinu. Lögreglan leitar til almennings en þau sem geta veitt upplýsingar um málið eru vinsamlegast beðin um að hafa samband í síma 444 1000.