Miðstjórn Sjálfstæðisflokksins ákvað á fundi sínum síðastliðinn mánudag að fresta landsfundi til næsta árs. Fundinn átti að halda dagana 13 til 15. nóvember næstkomandi.

„Fundinum er frestað í ljósi COVID-19 faraldursins enda eru landsfundir talsvert stærri en núverandi fjöldatakmarkanir upp á 200 manns bjóða upp á," segir í tilkynningu frá flokknum.

Nánari dagsetning verður ákveðin og auglýst síðar en stefnt er að því að fundurinn verði haldinn á bilinu febrúar til apríl 2021.