Í dag verður suðlæg átt, víða 5 til 10 metrar á sekúndu, en útlit er fyrir að norðaustan vindstrengur af Grænlandssundi nær inn á Vestfirði, norðaustan 10 til 18 metrar á sekúndu á þeim slóðum og lengst af rigning, hvassast á annesjum.

Samkvæmt hugleiðingum veðurfræðings er lægt stödd skammt suðvestur af Reykjanesi og er hún á hægri norðausturleið yfir landið. Víða rigning í fyrstu en þegar að lægðin nálgast, og skilin ganga yfir, breytist úrkoman í skúrir.

Á morgun verður lægðin kominn norðaustur fyrir landið og vindur snýr sér í norðlæga átt um land allt, víða 10-15 m/s. Rigning eða slydda á köflum, og gæti færð orðið erfið á fjallvegum, einkum á norðvestantil og einnig um landið norðaustanvert annað kvöld.

En annað verður þó uppi á teningnum á sunnanverðu landinu, léttir til og víða bjartviðri síðdegis á morgun.

Veðurhorfur á landinu næstu daga

Á föstudag:

Norðan og norðvestan 10-18 m/s, hvassast á Vestfjörðum, með rigningu eða slyddu á norðanverðu landinu, en bjart með köflum syðra. Hiti 2 til 14 stig, hlýjast á Suðausturlandi.

Á laugardag:

Austlæg átt 5-10, skýjað með köflum og úrkomulítið, en gengur í austan 10-15 með dálítlli rignignu sunnantil um kvöldið. Hiti frá 5 stigum norðaustanlands, upp í 14 stig á Vesturlandi.

Á sunnudag:

Austan- og norðaustan 8-15 og rigning með köflum, en slydda í innsveitum norðaustanlands. Hiti 2 til 12 stig, hlýjast á Suðurlandi.

Á mánudag:

Norðlæg átt og dálítil slydda eða rigning norðantil á landinu, en stöku skúrir syðra. Hiti 2 til 8 stig, en að 13 stigum sunnanlands.

Á þriðjudag:

Stíf austan- og norðaustanátt. Úrkomulítið, en fer að rigna á láglendi um austanvert landið. Hiti 3 til 12 stig, hlýjast á Suðvesturlandi.

Á miðvikudag:

Útlit fyrir norðlæg átt og með slyddu eða rigningu um norðaustanvert landið, annars úrkomulítið. Hiti breytist lítið.

Nánar á vef Veðurstofunnar.