Kristján Þór Júlíus­son, sjávar­út­vegs- og land­búnaðar­ráð­herra og þing­maður Sjálf­stæðis­flokksins, mun ekki bjóða sig aftur fram í Al­þingis­kosningunum í haust en þetta kemur fram í við­tali Morgun­blaðsins við Kristján Þór.

„Ég hef hugsað þetta og búinn að gera það upp við mig, að þetta sé orðið gott eftir 35 ára þjónustu í stjórn­málum og ætla því ekki að leita endur­kjörs í haust,“ segir Kristján Þór í við­talinu sem birtist í Sunnu­dags­blaði Morgun­blaðsins.

Hann mun þó á­fram vera virkur í starfi Sjálf­stæðis­flokksins þó hann verði ekki í flokks­for­ystunni á næsta kjör­tíma­bili. Kristján var fyrst kjörinn á Al­þingi árið 2007 og setið í þremur ríkis­stjórnum frá árinu 2013.

Gagnrýni vegna tengsla við Samherja

Kristján Þór hefur sætt mikilli gagnrýni vegna tengsla hans við Samherja, þar sem hann var stjórnarformaður, en stjórnskipunar- og eftirlitsnefnd Alþingis ákvað að hefja frumkvæðisathugun á hæfi Kristjáns sem ráðherra í ljósi stöðu hans.

Í júní 2020 var ákveðið að hætta við athugunina þar sem meirihluti nefndarinnar ákvað að ljúka málinu með bókun en minni hlutinn taldi málið ekki fullrannsakað.