Innlent

Kristín Lena for­stöðu­maður Sam­skipta­mið­stöðvar

Stofnunin sinnir meðal annars túlkaþjónustu á milli íslensks táknmáls og íslensku, rannsóknum á íslensku táknmáli og kennslu íslensks táknmáls og námsefnisgerð.

Kristín Lena sagði það mikinn heiður að fá að taka við stjórninni á degi íslenska táknmálsins

Kristín Lena Þorvaldsdóttir hefur verið skipuð í embætti forstöðumanns Samskiptamiðstöðvar heyrnarlausra og heyrnarskertra. Stofnunin sinnir meðal annars túlkaþjónustu á milli íslensks táknmáls og íslensku, rannsóknum á íslensku táknmáli og kennslu íslensks táknmáls og námsefnisgerð. Hjá miðstöðinni starfa um 30 starfsmenn.

Lilja Alfreðsdóttir mennta- og menningarmálaráðherra sagði það ánægjulegt að tilkynna ráðningu á degi íslenska táknmálsins.

„Samskiptamiðstöðin gegnir lykilhlutverki  fyrir döff-samfélagið hér á Íslandi og starfsfólk hennar hefur lyft grettistaki fyrir íslenskt táknmál og réttindabaráttu táknmálstalandi fólks,“ sagði Lilja Alfreðsdóttir mennta- og menningarmálaráðherra.

Kristín Lena sagði það mikinn heiður að fá að taka við stjórninni á degi íslenska táknmálsins. „Ég þakka það mikla traust sem mér er sýnt að fá að stýra þessari mikilvægu stofnun sem Samskiptamiðstöð er. Hún er málstöð íslenska táknmálsins og málsamfélags döff á Íslandi og mér er  sannur heiður að fá að taka við stjórninni þá þessum hátíðisdegi, degi íslenska táknmálsins,“ sagði Kristín Lena.

Kristín er menntaður málfræðingur og lauk  M.A. prófi í íslenskri málfræði með áherslu á íslenskt táknmál frá Háskóla Íslands árið 2011. Kristín hefur starfað hjá Samskiptamiðstöðinni sem sviðsstjóri táknmálssviðs, verkefnastjóri og túlkur. Hún var áður aðjúnkt við Háskóla Íslands og sinnti þar kennslu og rannsóknum í táknmálsfræði og táknmálstúlkun.  

Tilkynnt var um skipuna á heimasíðu mennta- og menningarmálaráðuneytisins.

Athugasemdir

Auglýsing
Auglýsing

Tengdar fréttir

Björgun

Þyrlan sótti göngu­menn upp á Tungna­fells­jökul

Hvalveiðar

Fjallað um fyrir­hugaðar hval­veiðar í er­lendum miðlum

Umhverfismál

Plok­kver­tíðin að hefjast hjá Atla

Auglýsing

Nýjast

Maduro slítur stjórn­mála­sam­bandi við Kólumbíu

Milljón dollara trygging fyrir R. Kel­ly

Her­togaynjan hótar lög­sóknum

Tólf ára blaða­kona lét lög­reglu­mann heyra það

Segja RÚV upp­hefja eigin verk á kostnað fag­manna

Leit lokið í dag: „Mikill sam­hugur á Ír­landi“

Auglýsing