Innlent

Krefja stjórnvöld aðgerða í máli Hauks

Fjölskylda og aðstandendur Hauks Hilmarsonar krefjast þess að utanríkisráðherra sjái til þess að tafarlaust verði haft samband við Tyrki til þess að fá upplýsingar um hvort Haukur sé lífs eða liðinn. Í fréttatilkynningu frá aðstandendum Hauks kemur fram að utanríkisráðherra hafi krafist þess að einungis tveir úr hópnum mættu á fund með honum í dag.

Haukur Hilmarsson

Það fékk mjög á fjölskyldu og vini Hauks, að sjá stjórnvöld fara með leitina að líki hans eins og um venjulegan óskilamun væri að ræða, sérstaklega í ljósi þess að þá höfðu komið fram sögur sem gáfu vonarglætu um að Haukur kynni að vera á lífi.“ Þetta kemur fram í fréttatilkynningu frá fjölskyldu og aðstandendum Hauks Hilmarssonar sem talinn er hafa fallið í skot- og sprengjuárás Tyrkja á sjálfstjórnarsvæði Kúrda í febrúar síðastliðnum.

Talið er að Haukur hafi barist með sveitum YPG eða The People‘s Protection Units, sem útleggjast mætti sem lýðvarðssveitin á íslensku. Samtökin hafa, ásamt kvenvarðliðinu YPJ, eða Women‘s Defense Units, barist í Afrin-héraði í Sýrlandi undanfarin misseri, þar sem Haukur er sagður hafa týnt lífi.

Talsmenn andspyrnuhreyfingarinnar sem Haukur vann með hafa staðfest fall hans en fjölskylda Hauks hefur enn ekki fengið dánarvottorð eða verið bent á lík. „Sú staðreynd að leitað var að Hauki á sjúkrahúsum bendir til þess að einhverjar efasemdir hljóti að hafa verið uppi um andlát hans, einhver taldi sig sjá hann falla en enginn hefur séð lík. Á meðan sú staða er uppi er málið rannsakað sem mannshvarf af hálfu lögreglu á Íslandi.“

Aðstandendur Hauks hafa sjálfir grafið upp upplýsingar í málið og sett sig í samband við kúrdískar og grískar hreyfingar sem haukur tengdist á svæðinu. Í fréttatilkynningunni segir að þó að það sé ekki heppilegt að fjölskyldan annist samskipti við Nató ríkið Tyrkland. Fjölskylda Hauks fundaði með borgaraþjónustu utanríkisráðuneytisins og lögregluna þann 8. mars og óskuðu þá eftir því að sambönd við yfirvöld í Tyrklandi og fá staðfest að yfirvöld þar séu með líkið og fá það sent heim.

Eva Hauksdóttir, móðir Hauks, ræddi við borgaraþjónustu utanríkisráðuneytisins fyrir hádegi í gær, þann 12. mars. Ráðuneytið var þá búið að hafa samband við ýmis sendiráð og ræðismenn en engar tilraunir höfðu verið gerðar til þess að ná beinu sambandi við ráðuneyti í Tyrklandi, hernaðaryfirvöld eða lögreglu, segir í tilkynningunni. „Svo virðist sem ráðuneytið sé að bíða eftir því að ræðismenn hingað og þangað rannsaki málið eftir sínum eigin leiðum. Engin svör hafa fengist með því móti.“

Hauks er minnst víða um Vesturbæinn með graffi. Fréttablaðið/Eyþór

Móðir Hauks reyndi að ná tali af Guðlaugi Þór Þórðarsyni, utanríkisráðherra, rétt fyrir hádegi í gær en hann svaraði ekki síma. Hún sendi honum tölvupóst tæpum þrem tímum síðar þar sem hún krafðist þess að hann beitti sér í málinu og hefði samband við sig. „Utanríkisráðherra taldi sig hafa mikilvægari hnöppum að hneppa en að svara henni,“ segir í tilkynningunni. 

Fjölskylda Hauks átti annan fund með ráðuneytinu og lögreglu síðdegis í gær. Þá höfðu stjórnvöld haft fjóra daga til þess að spyrja Tyrki hvort þeir séu með lík Hauks eða gefa aðrar upplýsingar um afdrif hans en ekki hafði þá verið gerð nein tilraun til þess. Á fundinum í gær kom fram að með fyrirspurn til Sendiráðs Tyrklands í Osló, um afdrif Hauks, hefðu ekki fylgt neinar myndir eða lýsingar á líkamseinkennum sem gætu gagnast við að bera kennsl á líkið. Enn fremur að ekki væru uppi áform um að hafa beint samband við Tyrki eða Nató og að ráðuneytið gæti ekki gefið nein loforð um að útvega aðstandendum símanúmer og netföng ráðamanna í Tyrklandi svo þeir geti lokið rannsókn þessa máls sjálfir.

„Utanríkisráðherra neitaði að mæta á fundinn en fékkst til þess, eftir þaulsetu aðstandenda í húsakynnum ráðuneytisins og hótanir um fjölmiðlafár, að hitta okkur daginn eftir. Hann ætlaði þó að setja það skilyrði að einungis tveir aðstandendur mættu á fundinn en þeim afarkosti var vitanlega hafnað. Við eigum því fund með ráðherra kl. 15 í dag.“

Að lokum þakka aðstandendur Hauks starfsfólki Utanríkisráðuneytis og lögreglu fyrir hlýhug og vinsemd sem þeim hefur verið sýnd. „Við efumst ekki um samúð þeirra og vilja til að leysa málið en getuleysið er æpandi og ekki að sjá að neinn beri ábyrgð á upplýsingaöflun um málið.“

„Markmið fundarins í dag er það er að gera Utanríkisráðherra grein fyrir því að þegar ríki sem er í hernaðarsamstarfi við Ísland drepur íslenskan ríkisborgara, þá geti Utanríkisráðherra ekki hegðað sér eins og hernaðaryfirvöld þess ríkis hafi skotið flækingshund.“ 

Aðstandendur Hauks krefjast því að utanríkisráðherra sjái tafarlaust til þess að haft verði beint samband við yfirvöld í Tyrklandi og Nató og upplýsinga aflað um það hvort Haukur sé lífs eða liðinn. Ef Tyrkir hafa líkamsleifar Hauks sjái utanríkisráðherra til þess að þær verði sendar heim. 

Athugasemdir

Auglýsing
Auglýsing

Tengdar fréttir

Innlent

Mal­bikun á Reykja­nes­braut í dag

Innlent

Vindur og væta í dag en léttir til á morgun

Innlent

Dagur Hoe dæmdur í 17 ára fangelsi

Auglýsing

Nýjast

Innlent

Dópaður á mótor­hjóli fór yfir á rauðu og olli slysi

Viðskipti

MS semur við KSÍ um skyr

Hm 2018

HM-glaðir Íslendingar byrja helgina snemma

Kjaramál

Ljósmæður eru ekki bjartsýnar og sjá fram á verkfall í sumar

Skipulagsmál

Rútumiðstöð ekki í bága við skipulag

Lögreglumál

Ákveða næstu skref í rannsókn

Auglýsing