Sonur manns sem fékk grætt í sig erfðabreytt svínshjarta segir það hafa gefið fjölskyldunni von. Faðir hans er nú að jafna sig eftir aðgerðina en vonast til þess að hann geti brátt farið heim af spítalanum.
„Þetta er algert kraftaverk,“ segir David Bennet yngri, sonur David Bennet sem er að jafna sig eftir aðgerð eftir að erfðabreytt svínshjarta var grætt í hann.
Í viðtali við breska ríkisútvarpið segir Bennet að aðgerðin hafi gefið fjölskyldunni hans von.
„Honum gengur gríðarlega vel og lífsmörk hans eru frábær með bara svínshjartanu,“ segir Bennet en læknar fjarlægðu í gær ECMO vél sem hafði aðstoðað hjartað.
Bennet segir í viðtalinu að faðir hans hafi legið inni á spítala frá því 10. nóvember og það hafi verið um jólin sem að læknarnir sögðu honum að það væri hans síðasti valkostur að fá grætt í sig svínshjarta, annars ætti hann sex mánuði ólifaða.
„Ég hélt að hann væri með óráði,“ sagði hann en að hann hefði svo rannsakað þennan möguleika, séð að honum fylgdi töluverð áhætta en að þetta væri raunverulegur möguleiki.
Hann sagði að lífslíkur faðir hans hafi aukið aðeins en að auðvitað sé um að ræða svínshjarta og að það sé lítið vitað um hvernig þetta muni ganga. Hann og fjölskyldan séu þakklát fyrir hvern dag sem þau fái með honum.
Viðtalið er hægt að horfa á hér á vef breska ríkisútvarpsins.
