Björgunarsveit í Borgarfirði var kölluð út rétt fyrir klukkan átta í kvöld vegna konu sem slasaðist á fjallgöngu í Kvígindisfelli norðaustur af Hvalvatni.
Í tilkynningu frá Landsbjörg kemur fram að konan hafi hrasað í hlíðum fellsins og slasast á fæti. Hún hafi í kjölfarið ekki getað gengið sjálf niður.
Björgunarsveitarfólk og sjúkraflutningamenn frá Heilbrigðisstofnun Vesturlands eru á leiðinni á vettvang með fjórhjól og búnað, til þess að hlúa að konunni og flytja hana niður.
