Innlent

„Konan mín er sigur­vegari“

​Einar Bárðar­son, eigin­maður Ás­laugar Thelmu Einars­dóttur, segir að hún hafi enn ekki fengið út­skýringar á því hvers vegna henni var sagt upp sem for­stöðu­maður markaðs- og kynningar­mála hjá Orku náttúrunnar (ON).

Áslaugu Thelmu var sagt upp störfum hjá ON fyrir mánuði síðan.

Einar Bárðar­son, eigin­maður Ás­laugar Thelmu Einars­dóttur, segir að hún hafi enn ekki fengið út­skýringar á því hvers vegna henni var sagt upp sem for­stöðu­maður markaðs- og kynningar­mála hjá Orku náttúrunnar (ON). 

Ás­laugu var sagt upp störfum hjá ON fyrir mánuði síðan, skömmu eftir að hún vakti at­hygli yfir­manna sinna á fram­komu Bjarna Más Júlíus­sonar, þá­verandi fram­kvæmda­stjóra ON, vegna ó­við­eig­andi fram­komu. Bjarna var í kjöl­farið sagt upp störfum. 

Einar vakti fyrst at­hygli á upp­sögn eigin­konu sinnar en Ás­laug steig síðar fram og kvaðst ætla að leita réttar síns. Það var síðan á dögunum sem hún fundaði með ný­skipuðum for­stjóra OR, Helgu Jóns­dóttur, sem ráðin er tíma­bundið en Bjarni Bjarna­son, for­stjóri OR, greindi frá því um miðjan síðasta mánuð að hann hygðist stíga til hliðar á meðan út­tekt væri gerð á vinnu­staðar­menningu. 

Orka náttúrunnar er dótturfélag Orkuveitu Reykjavíkur. Vilhelm Gunnarsson

Einar segir að þrátt fyrir að trúnaður ríki um efni fundar Ás­laugar og Helgu sé ekki þar með sagt að hann megi ekki benda á hvað hafi ekki verið rætt. Í Face­book-færslu skrifar hann að til að mynda hafi enginn út­skýrt fyrir henni hvers vegna henni var sagt upp né beðið hana af­sökunar. Þá hafi enginn í stjórn ON eða OR þakkað henni fyrir að þora að stíga fram en ljóst sé að upp­sögnin standi enn­þá og starfs­lok hennar ekki verið endur­skoðuð. 

„Eftir situr á sorg­legan hátt sú stað­reynd að hjá OR fá dónar og káfarar starfs­loka­samninga og svig­rúm til að fara í með­ferð en konur sem láta ekki bjóða sér dóna­skap og eru sendar í rann­sókn hjá Innri Endur­skoðanda Reykja­víkur­borgar,“ skrifar Einar og bætir við. 

„Þetta kallar á ein­hvers­konar heiðurs­verð­laun í með­virkni.“ 

Bjarni Bjarnason steig tímabundið til hliðar sem forstjóri OR. Fréttablaðið/Stefán

Hann segir mál Ás­laugar á margan hátt vera próf­stein á samfélagið. Vonandi takist OR að leysa málið með þeim hætti að í fram­tíðinni þori konur að stíga fram og feta þannig í fót­spor Ás­laugar en hrökklist ekki lengra „inn í hellinn á bak við dónana“. 

„Það væri skref aftur­á­bak í öllu því sem við teljum að hafi á­unnist í með MeT­oo byltingunni,“ skrifar Einar sem kveðst afar stoltur af Ás­laugu fyrir að hafa stigið fram. 

„Konan mín er sigur­vegari, á því leikur engin vafi. Hún er búin að leggja allt sitt á vogar­skálarnar fyrir MeT­oo hreyfinguna. Hún er konum um allt land í öllum stéttum inn­blástur. Það finnum við all­staðar þar sem við komum síðustu vikur. Hún hefur ekki kallað á eða baðað sig upp úr at­hyglinni sem þetta mál hefur kallað til hennar,“ skrifar Einar og bætir við að þrátt fyrir það hafi kveðjur fólks úr öllum áttum eflt og styrkt fjöl­skylduna.

Athugasemdir

Auglýsing
Auglýsing

Tengdar fréttir

Innlent

Vekja at­hygli á því sem gerist bak við luktar dyr slátur­húsa

Innlent

Leggjum á­herslu á hafið, lofts­lags­mál og vist­vænar orku­lausnir

Innlent

Brenndi rusl úr rúmdýnum í Varmadal

Auglýsing

Nýjast

Þúsundir flótta­manna við landa­mæri Mexíkó

Rússar vara Trump við afleiðingunum

Segir Hildi hafa verið kallaða „nettröll“ og „femínistatussu“

Krap á Holtavörðuheiði og hálka fyrir norðan

Hráki leiddi til átaka sem kostuðu 55 lífið

Rúðan í vél Icelandair var krosssprungin

Auglýsing