Kokkur ársins 2019 er Sigurjón Bragi Geirsson, matreiðslumaður hjá Garra og þjálfari íslenska kokkalandsliðsins. Þetta kemur fram í tilkynningu. Fimm kepptu um nafnbótina.

Í öðru sæti var Rúnar Pierre Heriveaux, matreiðslumaður á Grillinu á Hóteli Sögu. Í þriðja sæti hafnaði Iðunn Sigurðardóttir, matreiðslumeistari hjá Íslenska Matarkjallaranum.

Elisa Reid forsetafrú og Kristján Þór Júlíusson, Sjávar og landbúnaðarráðherra afhentu sigurvegurum verðlaun að viðstöddum um 200 manns í gærkvöldi. 

Keppendur voru:  

• Iðunn Sigurðardóttir, Íslenski Matarkjallarinn 
• Snædís Xyza Mae Jónsdóttir Ocampo, Hótel Saga Mímir Restaurant
• Kolbrún Hólm Þorleifsdóttir, Deplar Farm
• Sigurjón Bragi Geirsson, Garri
• Rúnar Pierre Heriveaux, Grillið Hótel Sögu

Kokkur ársins hlýtur þátttökurétt fyrir Íslands hönd í keppninni Matreiðslumaður Norðurlanda 2020.