Klósettdagurinn verður haldinn hátíðlegur á Suðurlandi

Tíu milljónum verður varið í umhverfisverkefni á Suðurlandi.

Fréttablaðið/Ernir

Samtök sunnlenskra sveitarfélaga hafa samþykkt að verja tíu milljónum króna úr sóknaráætlun Suðurlands vegna verkefnisins „Umhverfis-Suðurland, fyrsti áfangi“, sem er hluti af aldarafmæli sjálfstæðis og fullveldis Íslands árið 2018.

Bjarni Guðmundsson, framkvæmdastjóri Samtaka sunnlenskra sveitarfélaga, segir að haldnir verði ýmsir umhverfisviðburðir í tilefni verkefnisins. Til dæmis verði dagur umhverfisins haldinn í apríl, norræni strandhreinsunardagurinn í maí og fleira. 

Sumir dagar eru öllu óhefðbundnari því haldið verður upp á alþjóðlega klósettdaginn í nóvember, en þeim degi er ætlað að minna á að ekki allir búa við þann munað að hafa salerni á heimili sínu.

Verkefnið verður unnið í samstarfi umhverfisnefnda sveitarfélaganna ásamt fjölda stofnana, s.s. Náttúrustofu Suðurlands, Kötlu Geopark og Vatnajökulsþjóðgarði.

Tengdar fréttir

Innlent

Tekið á móti nýju ári hundsins í dag

Innlent

Fólk gekk harka­­­lega að starfs­fólki Neyðar­línunnar í nótt

Innlent

Listi Samfylkingar kynntur í dag

Auglýsing
Auglýsing

Athugasemdir

Auglýsing
Auglýsing