Eins og er er ekki hægt að komast inn í Klapp-kerfi strætó. Þetta á við um Klapp-appið og Mínar síður á klappid.is. Þetta kemur fram í tilkynningu frá Strætó.

Um er að ræða kerfið sem fólk notar til að kaupa þjónustu Strætó.

Í tilkynningunni kemur fram að í nótt hafi verið gerð uppfærsla í Klapp greiðslukerfinu sem varð til þess að tenging rofnaði. „Það er í algjörum forgangi að koma þessu í lag.“

Þá segir að vagnstjórar séu meðvitaðir um ástandið og bjóða viðskiptavini velkomna á meðan unnið er að lagfæringu.