For­svars­menn hinnar basilísku Sagrada Famíli­a-kirkju, stór­virki arki­tektsins Antoni Gaudí, hafa sam­þykkt að greiða borgar­yfir­völdum í Barcelona 41 milljón evra, jafn­virði rúm­lega 5,5 milljarða. BBC greinir frá.

Á­stæðan er sú að kirkjan fékk aldrei byggingar­leyfi, en fram­kvæmdir hófust við hana árið 1882. Hún er engu að síður stór­glæsi­leg og vafa­laust eitt þekktasta kenni­merki borgarinnar. 

Borgar­stjóri Barcelona, Ada Colau, segir að samningarnir séu hrein undur og stór­merki. Í kringum 4,5 milljónir manna heim­sækja kirkjuna ár hvert, og um 20 milljónir skoða hana utan frá. 

Samningurinn kveður á um að upp­hæðin skuli greidd út á tíu árum til borgarinnar og verður fjár­mununum varið í al­mennings­sam­göngur og í upp­byggingu í hverfinu.