Kennari við grunn­skólann á Egils­stöðum, sem hafði ný­lega verið á skíða­svæði í einu af þeim fjórum héruðum Ítalíu sem kóróna­veiran CO­VID-19 hefur komið upp, hefur nú verið settur í sótt­kví heima hjá sér en þetta kemur fram í frétt RÚV um málið. Kennarinn mun halda sig heima í um fjór­tán daga.

Em­bætti land­læknis mælti með því í gær að þeir sem hafa ferðast til héraðanna Pi­ed­mont, Lom­bar­dy, Veneto og Emilio-Romagna ný­verið við­hafi sótt­kví í fjór­tán daga við komuna til landsins. Þá var mælt gegn ó­nauð­syn­legum ferðum til héraðanna og fólk beðið um að fylgjast vel með fréttum um málið.

Að því er kemur fram í frétt RÚV barst for­ráða­mönnum barna við skólann bréf frá skóla­stjóranum fyrr í dag þar sem greint var frá þessu en í bréfinu kemur fram að kennarinn sé frískur. Ekki er talið að hann hafi verið ná­lægt neinum sem smitaður er en líkt og land­læknir greindi frá hafa smit ekki komið upp á skíða­svæðunum í héruðunum.

Alls eru um 322 smitaðir á Ítalíu og hafa tíu manns látist af völdum CO­VID-19 en það sem hefur vakið sér­staka at­hygli er að ekki er hægt að rekja smit í landinu til Kína. Rúm­lega 80 þúsund manns eru nú smitaðir um allan heim og er tala látinna 2,708.