Innlent

Vagnstjóri kærði farþega eftir árás í Borgarnesi

Farþeginn var í annarlegu ástandi og brást hinn versti við þegar vagnstjórinn reyndi að vekja hann.

Strætó í Mjóddinni. Myndin er úr safni. Fréttablaðið/Anton Brink

Til átaka kom milli bílstjóra og farþega um borð í Strætó í Borgarnesi í morgun. Þetta staðfestir Guðmundur Heiðar Helgason, upplýsingafulltrúi Strætó, við Fréttablaðið en mbl.is greindi fyrst frá atvikinu.

Vagninn var kominn á leiðarenda, frá Reykjavík til Borgarness þegar atvikið varð. Vagnstjóri ýtti þá við sofandi farþega sem greitt hafði fyrir far upp í Borgarnes, og vildi að hann yfirgæfi vagninn áður en hann héldi af stað suður á nýjan leik. Farþeginn sem mun hafa verið í annarlegu ástandi, brást hinn versti við og lét höggin að sögn dynja á vagnstjóranum. Maðurinn var í kjölfarið handtekinn og er í fangelsi í Borgarnesi, að sögn Guðmundar Heiðars.

Vagnstjórinn leitaði sér aðhlynningar á heilsugæslustöð. Myndataka leiddu þó í ljós að hann er óbrotinn, en bólginn á hönd. Suðurferðinni hafi seinkað um klukkutíma vegna þessa. 

Guðmundur segir að vagnstjórinn hafi þegar kært árásina.

Athugasemdir

Auglýsing
Auglýsing

Tengdar fréttir

Innlent

Vilja hætta að nafn­greina saka­menn í dómum

Innlent

Senni­legt að gjald­takan hafi verið ó­lög­mæt og ó­hóf­leg

Innlent

Ung kona fannst látin á Akureyri: Einn handtekinn

Auglýsing

Nýjast

Stórhættulegur fellibylur stefnir hratt á Mexíkó

Morðið bæði grimmilegt og þaulskipulagt

Innkalla lakkrís súkkulaði

Segir Brexit-samkomulag nánast í höfn

Hótar að skera niður fjár­hags­að­­stoð til þriggja ríkja

Bretar banna plaströr og eyrnapinna

Auglýsing