Jón Páll Eyjólfs­son, fyrr­verandi leik­hús­stjóri Leik­fé­lags Akur­eyrar hefur verið dæmdur í tveggja og hálfs ár skil­orðs­bundið fangelsi fyrir nauðgun. Þetta kemur fram í frétt Vísis en brotið átti sér stað fyrir tólf árum síðan.

Héraðs­dómur Reykja­víkur kvað upp dóm sinn síð­degis í dag. Jón Páll krafðist sýknu fyrir dómi.

Jón Páll þarf að greiða brota­þola í málinu 2,5 milljónir króna í miska­bætur á­samt vöxtum. Þá þarf að hann að greiða allan sakar­kostnað. Vísir hefur dóminn undir höndum en þar kemur fram að brotið átti sér stað í ágúst 2008 í hótel­her­bergi er­lendis. Í á­kæru voru grófar lýsingar á verknaðinum en þar er sagt að hann hafi haft sam­ræði við konu gegn hennar vilja.

Á fréttavef RÚV er greint frá því að í ákærunni kemur fram að hann hafi kastað sér á hana þar sem hún lá í rúmi sínu og haldið henni fastri. Þegar hún féll í gólfið í átökunum afrtaði hann henni að standa á fætur með því að grípa í fótlegg hennar. Hann setti síðan hné í bringu hennar og eftir að hún náði að skríða upp í rúm kom maðurinn á eftir henni og lagðist ofan á hana.

Mál Jón Páls komst fyrst í um­ræðuna árið 2018 er hann var rekinn úr leik­húsinu.