„Við látum gjarnan eins og stjórnmálamaður drauma okkar sé heiðarlegur pappakassi en sannleikurinn er að slíkt fólk fær sjaldnast náð fyrir augum kjósenda,“ segir Jón Gnarr, fyrrverandi borgarstjóri, um Klausturupptökurnar á Twitter. Þar deilir fólk áliti sínu á málinu undir myllumerkinu klausturgate.

Fátt hefur verið meira rætt frá því í gærkvöldi en ummæli sex þingmanna á bar um aðra þingmenn og þjóðfélagsþegna. Samtalið var tekið upp á laun. Þingmennirnir voru sumir drukknir þegar samtalið átti sér stað.

Jón segir að í stað þess að velja heiðarlegt fólk til valda verði „algjörir fávitar og helst virkir alkóhólistar“ helst fyrir valinu.