Björgunarsveitir voru kallaðar út í nótt vegna jeppafólks sem var í vandræðum með bifreið sína á Langjökli. Aðstandendur fólksins, sem er á þremur jeppum, hafði samband þar sem þau voru farin að óttast um þau. Ekkert amaði en fólkinu þegar björgunarsveitarfólkið komst til þeirra en þau höfðu fest bíl sinn, eða bíla sína. 

Í tilkynningu frá Landsbjörg kemur fram að björgunarsveitarfólk hafi komið til fólksins á áttunda tímanum í morgun eftir um sex tíma ferðalag. Björgunarsveitarfólk lagði síðan af stað með fólkið af jöklinum um klukkan hálf níu. 

Samkvæmt tilkynningu gengur ferðin afar hægt svo ekki er reiknað með fólkinu aftur til byggða fyrr en um miðjan dag. 

Sjö jeppar voru sendir á Langjökul eftir tveimur leiðum en fljótlega tókst að staðsetja fólkið ekki langt frá Þórisjökli sunnan Langjökuls. Um hálfáttaleytið sá björgunarsveitarfólk til jeppanna. Þá var ljóst að þau væru staðsett töluvert sunnan Langjökuls, rétt norðan við Skjaldbreið