Tomoaki Onizuka, yfirmaður lögreglunnar í Nara segir að það hafi verið brestir í öryggis­málum þegar fyrr­verandi for­sætis­ráð­herra Japans, Shinzo Abe, var skotinn í bakið við ræðu­höld í gær.

Abe var að halda stuðnings­ræðu fyrir fram­bjóðanda í Nara-héraðinu í vestur­hluta Japans, þegar maður að nafni Yamagami Tetsu­ya skaut hann með heima­gerðu vopni.

Onizuka sagði að málið yrði rann­sakað frekar, en hann telur það ó­neitan­legt að brestir hafi verið í öryggis­málum Abe á meðan stuðnings­fundinum stóð.

Gríðar­lega ströng vopna­lög­gjöf er í Japan og eru of­beldis glæpir sem framdir eru með skot­vopnum því virki­lega sjald­gæfir. Til að mynda voru einungis 9 morð framin með skot­vopni í landinu en yfir 125 miljón manns búa í Japan