Ís­lenskt par hefur verið sett í ein­angrun á Spáni vegna gruns um smit af kóróna­veirunni. Um er að ræða 66 ára konu og 52 ára mann sem voru í fríi í Tor­revi­eja. Þetta kemur fram á vef Ca­dena SER. Þau leituðu á Tor­revi­eja sjúkra­húsið eftir að annað þeirra fór að kenna fyrir ein­kennum lungna­sjúk­dómsins, hita og hósta.

Höfðu verið á ferð um Kína

Parið hafði ný­lega verið í Wu­han í Kína þar sem sjúk­dómurinn á upp­tök sín. Eftir að það kom í ljós voru þau bæði flutt í ein­angrun sam­kvæmt verk­ferlum sjúkra­hússins vegna smit­hættu kóróna­veirunnar.

Sýni hafa verið tekin úr þeim báðum og munu þau dvelja í ein­angrun þar til niður­stöður sýnanna berast.

Kórónaveiran hefur dreifst mjög hratt og hafa tilfelli meðal annars borist til Finnlands, Frakklands og Bandaríkjanna.
Fréttablaðið/Getty

Líkur á heims­far­aldri

Al­­þjóða­heil­brigðis­­stofnunin sagði í til­kynningu í dag að lík­­legt væri að heims­far­aldur gæti brotist út vegna kóróna­veirunnar en sam­­kvæmt stofnuninni er mjög lík­­legt að far­aldur verði í Kína. Sjúk­­dómurinn hefur þegar dregið 82 til dauða og tæp­lega þrjú þúsund smit hafa verið stað­­fest, af þeim eru 461 í lífs­hættu.

Grunur liggur á að um það bil 6000 manns til við­bótar séu smituð en líkur eru á því að það séu fleiri. Hvorki eru til bólu­efni né lyf við sjúk­­dómnum en þó hafa 51 smitaðir ein­staklingar jafnað sig af veirunni og verið út­­skrifuð af spítala.

Ó­vissu­stig á Ís­landi

Meiri­hluti til­fellanna hefur komið upp í Hubei, land­luktu héraði í mið­hluta Kína, en veiran kom upp­runa­lega upp í höfuð­borg héraðsins, Wu­han. Þó er búið að stað­festa til­felli smits meðal 44 ein­stak­linga í öðrum löndum, meðal annars í Banda­ríkjunum, Finn­landi, Frakk­landi og Ástralíu. Engin hefur látist utan Kína.

Um er að ræða áður ó­þekkta veiru sem veldur lungna­bólgu. Veiran getur smitast milli manna en ekki er vitað hversu smitandi hún er. Mikið eftir­­lit er með veirunni í Kína og talið er að far­bann í Hubei hafi á­hrif á um 60 milljónir sem þar eru stödd.

Í dag var lýst yfir ó­vissu­stigi al­manna­varna á Ís­landi vegna veirunnar en það er að­eins gert þegar grunur vaknar um að yfir­­vofandi sé at­burður sem hefur á­hrif á lýð­heilsu al­mennings. Í kjöl­farið var vöktun efld og farið var yfir við­bragðs­á­ætlanir og fyrir­­­liggjandi verk­­ferla.