Íslensk kona í Noregi er alvarlega særð eftir að fyrrverandi eiginmaður hennar, sem er einnig íslenskur, réðst á hana með hníf á McDonalds veitingastað í gær. Rúv greindi fyrst frá.
Maðurinn var handtekinn við heimili sitt í gær og hann hefur játað á sig verknaðinn. Hann verður færður fyrir dómara í hádeginu í dag.
Konan liggur á spítala með alvarlega áverka. Lögreglan hefur ekki enn náð að yfirheyra konuna.
Samkvæmt heimildum Rúv var konan með nálgunarbann á manninn, en hann lagði eld að heimili hennar í haust, á meðan hún var inni.
Fólkið er á sjötugsaldri og hefur lengi búið í Noregi. Þau höfðu verið gift í um fjörutíu ár og eiga saman börn á fullorðinsaldri.
