Heppinn íslenskur spilari vann í kvöld 131 milljónar króna vinning í EuroJackpot. Um er að ræða annan vinning sem skiptist á milli Íslands og Þýskalands. Spilararnir fá hvor um sig 131 milljón króna í vinning.

Miðinn var seldur í Happahúsinu í Kringlunni. „Þetta er stærsti vinningur sem komið hefur til Íslands frá upphafi. 1. vinningur gekk einnig út í kvöld en sá miði var seldur í Danmörku,“ segir í tilkynningu frá Íslenskri getspá.

Tveir voru með fjórar réttar tölur í réttri röð í Jóker og fær hvor þeirra 100 þúsund krónur í sinn hlut. Heildarfjöldi vinningshafa á Íslandi í þessum útdrætti var 3.034.