Vegna aukningar á Covid-19 smitum á Íslandi fá farþegar sem að koma frá Íslandi til Danmerkur ekki landgöngu nema að eiga lögmætt erindi til landsins. Sendiráð Íslands í Kaupmannahöfn vekur athygli á þessari breytingu á Facebook síðu sinni.

Þessi regla tekur gildi á miðnætti 26. september 2020 en þá verður Ísland skilgreint í flokki sóttkvíarlanda í Danmörku.

Dönum ráðlagt frá ferðalagi til Íslands

Danska utanríkisráðuneytið hefur einnig ráðlagt Dönum frá því að ferðast til Íslands vegna smithættu.

Lögmætt erindi til Danmerkur í þessu sambandi telst til að mynda; atvinna, búseta, nám eða fjölskyldutengsl við fólk sem býr í Danmörku. Nánari upplýsingar um hvaða ferðir flokkast sem lögmæt erindi og reglur þar um má finna inn á heimasíðu dönsku lögreglunnar sem hægt er að nálgast hér.

🟠Áríðandi 🟠 Sendiráðið vekur athygli á breyttri stöðu farþega er ferðast frá Íslandi til Danmerkur. Vegna aukningar...

Posted by Islands Ambassade i København / Sendiráð Íslands í Kaupmannahöfn on Thursday, September 24, 2020