Ísland tapaði einu stigi milli ára á spillingarstuðli Transparancy International, alþjóðleg samtök gegn spillingu. Ísland fékk 74 stig þetta árið og skipar sæti þrettán til átján á listanum.
Ísland hefur verið á niðurleið á stuðlinum undanfarin ár en árið 2012 var landið með 82 stig. Þetta árið virðist Samherjamálið hafa haft áhrif á lokaeinkunina.
Stuðullinn gengur frá núll upp í hundrað og þau lönd sem eiga við minnsta spillingu að glíma, samkvæmt samtökunum, fæ meiri stig en þau þar sem spilling er víða. Því eru Danmörk, Nýja-Sjáland og Finnland saman í fyrsta sæti með 88 stig hver.
Meðaleinkunn Evrópusambandsins og vestur Evrópu eru 66 stig. Búlgaría, Ungverjaland og Rómanía eru þar neðst á lista með 42, 43 og 45 stig í áðurnefndri röð.
Kýpur, Ungverjaland og Pólland hafa tapað flestum stigum milli ára en Ítalía, Grikkland, Eistland og Lettland græddu flest stig.
