Sótt­varna­stofnun Banda­ríkjanna hefur nú á aftur skil­greint Ís­land sem rautt þegar kemur að stöðunni hvað varðar Co­vid-19.

Sam­kvæmt því er ferða­löngum ráð­lagt frá því að heim­sækja Ís­land. Ef það ætlar að ferðast hingað frá Banda­ríkjunum er því ráðlagt að gæta þess að vera full­bólu­sett.-

Þá er tekið fram að þótt svo að fólk sé full­bólu­sett eigi það í hættu að smitast hér, vegna stöðu far­aldursins. Ferða­löngum er ráð­lagt að fylgja reglum sem settar eru hér­lendis um grímur og að hafa tveggja metra bil.

Í fyrra­dag greindust 152 smit innan­lands og fimm á landa­mærunum. Ný­gengi innan­lands­smita er 519,8 og 25,4 á landa­mærunum.

Í gær hófst bólu­setningar­á­tak en öllum sem hafa þegið tvær bólu­setningar er boðið að þiggja þriðja skammtinn um sex mánuðum eftir að þau fengu aðra sprautuna.