Matvælastofnun varar við neyslu á te-inu „I feel calm“ frá Te og Kaffi og eru neytendur sem hafa keypt það beðnir um að skila því þangað sem það var keypt.

Te-ið inniheldur jurtina garðabrúðu (Valeriana officinalis). Garðabrúða er ræktuð víða í Evrópu og úr henni unnið róandi lyf. Á vef Náttúrufræðistofnunar kemur fram að jurtin sé þekkt lækningajurt og ef rótin sé notuð á réttan hátt hafi hún róandi áhrif.

Samkvæmt flokkunarlista Lyfjastofnunar er jurtin B-merk. Það þýðir að varan hefði þurft flokkun. Lyfjastofnun hefur það hlutverk að skera úr um hvort einstök efni eða efnasambönd teljist lyf leiki á því vafi. Allar vörur sem innihalda efni eða efnasambönd sem falla undir skilgreiningu lyfjalaga á lyfi þurfa að hafa markaðsleyfi útgefið af Lyfjastofnun lyfjalaga og uppfylla kröfur sem gerðar eru til lyfja.

Te & Kaffi biður neytendur velvirðingar á óþægindum sem þetta kann að valda. Tilkynningu þeirra má sjá hér að neðan.