SFC Wholesale Ltd, í Bretlandi, og Aðföng hafa ákveðið að taka úr sölu og innkalla SFC Boneless Bucket í 650g pakkningu vegna þess að salmonella hefur fundist í einni framleiðslulotu af vörunni.

Í tilkynningu kemur fram að varan fékkst í verslunum Hagkaup en hefur verið innkölluð þaðan.

Varan fékkst í verslunum Hagkaups, en hefur verið innkölluð þaðan. Viðskiptavinum Hagkaups sem keypt hafa vöruna er ráðið frá því að neyta hennar og er bent á að þeir geta skilað henni í verslunina þar sem hún var keypt gegn fullri endurgreiðslu. SFC Wholesale Ltd og Aðföng biðja viðskiptavini verslananna sem kunna að hafa orðið fyrir óþægindum vegna þessa innilegrar afsökunar.

Upplýsingar um vöruna:

Vöruheiti: SFC Boneless Bucket

Nettómagn: 650g

Strikamerki: 5031532020629

Geymsluskilyrði: Frystivara, -18°C

Lotunúmer: L19720

Best fyrir dagsetning: 28-11-2021