Nathan & Olsen hefur borist tilkynning frá sínum birgja um að varnarefnið ethylene oxíð sem er bannað í matvælum hafi fundist í sesamfræjum sem eru bæði pökkuð í neytendaumbúðir og notað í framleiðslu á granóla og múslí.

„Með tilliti til varúðarsjónarmiða og með hliðsjón af neytendavernd, viljum við tryggja að allar vörur sem fyrirtækið dreifir uppfylli ýtrustu gæðakröfur og höfum við því innkallað af markaði tvær vörutegundir með eftirfarandi „best fyrir” dagsetningum," segir í tilkynningu frá Nathan & Olsen.

Um er að ræða þessar dagsetningar.
Fréttablaðið/Skjáskot

Þeir sem keypt hafa vörur með ofangreindum best fyrir dagsetningum eru vinsamlega beðnir um að skila þeim inn til Nathan & Olsen hf., Klettagörðum 19, 104 Reykjavík.

Vörunni var dreift til eftirtalinna aðila: Bónus, Hagkaup, Krónan, Hlíðarkaup, Nettó, Krambúðin, Kjörbúðin, Iceland, Fjarðarkaup, Verslunin Kassinn, Samkaup, Kaskó, Smáalind/Fjölval.