Aðföng hafa ákveðið í samráði við matvælaeftirlit Heilbrigðiseftirlits Reykjavíkur að innkalla Himneskt Lífrænt rautt pestó, sem Aðföng flytja inn, eftir að glerbrot fannst í einni krukku en þetta kemur fram í tilkynningu frá matvælaeftirlitinu.

Krukkurnar sem um ræðir voru seldar í verslunum Bónus og Hagkaupa um allt land en þeir sem hafa keypt vörunnar er bent á að neyta hennar ekki. Viðskiptavinir geta fargað vörunni eða skilað í þeirri verslun sem hún var keypt gegn fullri endurgreiðslu.

Hér fyrir neðan má sjá upplýsingar sem einkenna vöruna sem innköllunin nær til:

Vörumerki: Himneskt.

Vöruheiti: Lífrænt rautt pestó.

Strikamerki: 5690350050692.

Nettómagn: 130 g.

Best fyrir dagsetningar: Allar í október 2022.

Framleiðandi: La Dispensa di Campagna Srl, Toskana.

Framleiðsluland: Ítalía.

Innflytjandi: Aðföng, Skútuvogi 7-9, 104 Reykjavík.

Dreifing: Verslanir Bónus og Hagkaupa um land allt.