Allt innanlandsflug liggur niðri sem stendur vegna veðurs. Hávaðarok og rigning hefur verið víða og gaf Veðurstofa út gula viðvörun fyrir mest allt Suður og Vesturland í gær og í nótt. Fljúga átti til Egilsstaða og Akureyrar í morgun, en þeim ferðum hefur verið frestað vegna veðurs. Flug síðdegis í dag er á áætlun, en staðan verður endurmetin klukkan 10:15. 

Röskun virðist einnig hafa orðið á millilandaflugi, ef marka má heimasíðu Isavia. Þar kemur fram að vegna veðurs megi búast við röskunum á flugi á Keflavíkurflugvelli. Er fólki bent á að fylgjast með uppfærslum á lugtímum á heimasíðu Isavia, eða skrá sig í tilkynningarþjónustu okkar á Messenger og Twitter. Frekari upplýsingar má nálgast hjá flugfélögunum.