Erlent

Þing­maður for­­dæmdur fyrir „við­bjóðs­leg“ um­mæli

Þingmaður frá Queensland kennir Islam og innflytjendastefnu stjórnvalda um hryðjuverkin á Nýja-Sjálandi. Hann hefur fengið bágt fyrir.

Fraser Anning vill kenna fórnarlömbunum um voðaverkin.

Ástralski þingmaðurinn Fraser Anning liggur undir ámæli fyrir að hafa nýtt sér hryðjuverkin í Nýja Sjálandi í nótt í pólitískum tilgangi. Anning sagði í yfirlýsingu eftir ódæðin, þar sem 49 létust í skotárásum á moskur í landinu, að verknaðurinn væri afsprengi innflytjendastefnu stjórnvalda.

Fjölmargir hafa fordæmt ummæli þingmannsins. Hann sagði meðal annars að vaxandi ótti væri á Nýja-Sjálandi og í Ástralíu vegna fjölgunar múslima. Það sýndu árásirnar, sem rekja mætti til innflytjendastefnu stjórnvalda.

„Ég er algjörlega á móti hvers kyns ofbeldi í samfélaginu okkar, og ég fordæmi verknað byssumannsins,“ sagði hann í tilkynningu. „Þó aldrei sé hægt að réttlæta ofbeldisverk, er það sem upp úr stendur vaxandi ótti, bæði á Nýja-Sjálandi og Ástralíu, við nærveru múslima.“

Hann sagði að vinstri menn og fjölmiðlar myndu kenna byssulöggjöf eða þjóðræknum einstaklingum um glæpinn, en að það væri þvættingur. Vandamálið væri innflytjendastefnan sem heimilað hefði öfgasinnuðum múslimum að setjast að í landinu. Hann sagði að ódæðin væru Islam, eins og það leggur sig, að kenna.

Anning sagði í niðurlagi yfirlýsingar sinnar að þeir sem aðhylltust ofbeldisfull trúarbrögð sem hvetji til ofbeldisverka ættu ekki að verða hissa þegar einhver svaraði þeim í sömu mynt.

Forsætisráðherrann Scott Morrison er á meðal þeirra sem fordæmt hefur ummæli Anning. Hann kallaði þau „viðbjóðsleg“. Ekkert rými væri fyrir skoðanir sem þessar í Ástralíu eða á ástralska þinginu. Fleiri hafa tekið undir þau sjónarmið.

Athugasemdir

Auglýsing
Auglýsing

Tengdar fréttir

Erlent

Rann­saka fram­leiðslu­ferli Boeing 737 MAX vélanna

Erlent

Á­rásar­maðurinn í Utrecht hand­tekinn

Erlent

My­space glataði öllum gögnum frá því fyrir 2016

Auglýsing

Nýjast

Tveir inn­lyksa á Hrafns­eyrar­heiði vegna snjó­flóða

Drengirnir í Grindavík fundnir

Þór­hildur Sunna: Tæta í sig MDE til „verndar hégóma Sig­ríðar“

Þingveislu frestað vegna verkfalla

Orrustuþotur sendar gegn sprengiflugvélum við Ísland

Bergið komið með hús­næði þremur árum eftir andlát Bergs

Auglýsing