„Sýnir það ekki bara þeirra trúverðugleika og heiðarleika?“ segir Inga Sæland í samtali við Fréttablaðið. Þar á hún við svör Ólafs Ísleifssonar sem hafnaði í kvöld fullyrðingum Ingu um að hann og Karl Gauti Hjaltason hafi átt frumkvæði að fundi þeirra með fjórum þingmönnum Miðflokksins á Klaustri bar 20. nóvember.

Sjá einnig: Segist ekki hafa átt frumkvæði að fundi með Miðflokknum

Inga segir Sig­mund Davíð Gunn­laugs­son, for­mann Mið­flokksins, hafa sagt for­mönnum flokka stjórnar­and­stöðunnar að Ólafur og Karl Gauti hafi óskað eftir að hitta þing­menn Mið­flokksins. For­menn stjórnar­and­stöðu­flokkanna funduðu í dag og var Sig­mundur við­staddur fundinn. 

Þá segir Inga að það komi æ betur í ljós að það eina í stöðunni hafi verið að víkja Ólafi og Karli Gauta úr flokknum en það var gert fyrir viku síðan. 

Ekki náðist í Sig­mund Davíð við vinnslu fréttarinnar. Þor­gerður Katrín Gunnars­dóttir, for­maður Við­reisnar, stað­festir í sam­tali við Frétta­blaðið að fundurinn hafi átt sér stað og að um­rætt mál, um þátt­töku þeirra Ólafs og Karls Gauta, hafi borið á góma.